'சிறு, குறு உற்பத்தியாளர்களை விட்டுவைக்காத ஆட்டோமொபைல் வீழ்ச்சி'

கிருஷ்ணகிரி: ஆடோமொபைல் துறையில் ஏற்பட்டுள்ள வீழ்ச்சியால் ஓசூரு தொழில் மண்டலத்தில் 30 முதல் 40 விழுக்காடு உற்பத்தி பாதித்துள்ளதாக சிறு, குறு உற்பத்தியாளர்கள் வேதனை தெரிவித்துள்ளனர்.

நாட்டில் தற்போது நிலவி வரும் பொருளாதார மந்தநிலை காரணமாக ஒசூரு தொழில் உற்பத்தி மண்டலம் கடும் நெருக்கடியைச் சந்தித்து வருகிறது.

இந்நிலையில் பொருளாதார மந்தநிலை காரணமாக ஓசூரு மண்டலத்தில் உற்பத்தி விழுக்காடு, எந்த அளவிற்கு பாதிப்பு அடைந்துள்ளது என்பதை சிறு, குறு உற்பத்தியாளர்களான பி.வி வெங்கடேஸ்வரன், சத்தியவாகீஸ்வரன் ஆகிய இருவரும் ஈடிவி பாரத்திடம் பகிர்ந்து கொண்டனர்.

சத்தியவாகீஸ்வரன் கூறுகையில், ஆட்டோமொபைல் துறை வீழ்ச்சியால் தற்பொழுது ஓசூரில் உற்பத்தி, ஏற்றுமதி பற்றாக்குறை என 30 முதல் 40 விழுக்காடு வரை குறைந்துள்ளது. குறிப்பாக உபர், ஓலா உள்ளிட்ட வாடகை கார் நிறுவனங்கள் ஆட்டோமொபைல் துறை வீழ்ச்சிக்கு முக்கிய காரணமாக உள்ளது.

இதனால், மத்திய நிதியமைச்சர் நிர்மலா சீதாராமன் ஏற்றுமதி தொடர்பான சிறு சலுகைகளை வழங்கி உள்ளார். ஆனாலும் ஜிஎஸ்டி வரியை 28 விழுகாட்டிலிருந்து 18விழுக்காடாக குறைக்க தொடர்ந்து வலியுறுத்தி வருகிறோம். இது குறித்து மத்திய அரசு ஆலோசனை செய்ய வேண்டும்.

மேலும் தொடர்ந்து பி.வி வெங்கடேஸ்வரன் கூறுகையில், நான் மருந்து நிறுவனம் ஒன்றை நடத்தி வருகிறேன். அதில் மொத்தமாக வாங்கும் மருந்து பொருட்களுக்கும், நாங்கள் விற்கும் விற்பனைக்கும், அரசு மலிவு விலையில் செயல்படுத்தப்படும் மருந்துகளுக்கும் இடையில் ஒரு தொடர்பற்ற நிலை காணப்படுகிறது.

மருந்து தயாரிப்பு பொருட்கள் 18 விழுக்காட்டிற்கு வாங்கப்பட்டு 13 விழுக்காட்டிற்கு விற்பனை செய்த பிறகு மீதம் உள்ள ஐந்து விழுக்காடு இருப்புத் தொகையை அரசிடம் இருந்து பெறுவதற்கு அதிக காலதாமதம் ஆகிறது. இதனால் தொடக்க நிலை மருந்து நிறுவனங்கள் பணத்தை திருப்பி கொடுப்பதற்கு மிகவும் சிரமத்திற்கு ஆளாகியுள்ளது.

பொருளாதார மந்தநிலை, தேக்கநிலை மலிந்து காணப்படுபவதால் ஜிஎஸ்டி வரியை குறைக்கும் விதமாக மத்திய அரசு உடனடியாக நடவடிக்கை எடுக்க வேண்டும் என்றார்.

இதையும் படிங்க:பொருளாதார மந்த நிலை சுழற்சி முறையிலானதே: ராஜீவ் குமார்