கிருஷ்ணகிரி: ஒசூர் அடுத்த கொரட்டகிரி கிராமத்தில் உள்ள 7 கல்குவாரிகளின் வாகனங்கள் ஊருக்குள் வர அனுமதி அளித்த உயர்நீதிமன்ற உத்தரவை அமல்படுத்தக்கோரி கல்குவாரி உரிமையாளர்கள், தொழிலாளர்கள் என 2,000 பேர் நேற்று (ஜன.3) காலை முதல் உண்ணாவிரத போராட்டத்தில் ஈடுபட்டனர்.
ஒசூர் அடுத்த கொரட்டகிரி கிராமத்தில் உயர் நீதிமன்ற உத்தரவை அமல்படுத்த கோரி கிரஷர் உரிமையாளர்கள் மேற்கொண்ட உண்ணாவிரத போராட்டம் வாபஸ் பெறப்பட்டது
அப்போது அவர்கள், இதற்கான அனுமதி கிடைக்கும் வரை உண்ணாவிரதம் தொடரும் எனவும் அறிவித்தனர். இந்த நிலையில் குவாரி உரிமையாளர்கள் சங்கத்தினர் உடனான சமாதான பேச்சுவார்த்தை கூட்டம், ஓசூர் சார் ஆட்சியர் அலுவலகத்தில் மாவட்ட ஆட்சியர் ஜெயச்சந்திர பாணு ரெட்டி, மாவட்ட எஸ்பி சரோஜ்குமார் தாகூர் மற்றும் ஒசூர் சார் ஆட்சியர் சரண்யா ஆகியோர் முன்னிலையில் நடைபெற்றது.