புதிய கல்விக் கொள்கைக்கு எதிராக ஆர்ப்பாட்டம்!

கரூர்: புதிய கல்விக் கொள்கைக்கு எதிராக தலித் விடுதலை இயக்கத்தின் மாநில பொதுச் செயலாளர் கருப்பையா தலைமையில் கண்டன ஆர்ப்பாட்டம் நடைபெற்றது.

கரூர் மாவட்டம் வட்டாட்சியர் அலுவலகம் முன்பு தலித் விடுதலை இயக்கத்தின் மாநில பொதுச் செயலாளர் கருப்பையா தலைமையில் கண்டன ஆர்ப்பாட்டம் நடைபெற்றது.

இந்த ஆர்ப்பாட்டத்தில் 50க்கும் மேற்பட்டோர் கலந்துகொண்டு, மத்திய அரசு கொண்டுவரும் புதிய கல்விக் கொள்கைக்கு எதிராக முழக்கங்கள் எழுப்பினர். மேலும் இக்கொள்கை கைவிடப்படவில்லை என்றால் தொடர்ந்து தமிழகத்தில் ஆர்ப்பாட்டம் நடத்துவோம் என்றும், மத்திய அரசை கண்டுகொள்ளாத மாநில அரசை எதிர்த்தும் ஆர்ப்பாட்டம் நடைபெறும் என்றும் கூறினர்.