தேர்தல் பரப்புரையின் போது பொதுமக்களை மிரட்டிய தம்பிதுரை

கரூர்: இரட்டை இலை வெற்றிப்பெற்றால் காவிரி தண்ணீர் வரும் என்றும், தப்பித்தவறி கை சின்னத்துக்கு வாக்களித்தால் தண்ணீர் வராது என்று பொதுமக்களை மிரட்டும் வகையில் பேசியுள்ளது பரபரப்பை ஏற்படுத்தியுள்ளது.

கரூர் நாடாளுமன்ற தொகுதிக்குட்பட்ட பழமாபுரத்தில் இன்று மாலை தம்பிதுரை தேர்தல் பரப்புரையில் ஈடுபட்டார். அப்போது அவரிடம் பொதுமக்கள் தங்களது பகுதியில் குடிநீர் பிரச்னை உள்ளது.

அதை தீர்க்க நடவடிக்கை எடுக்க வேண்டும் எனக் கோரிக்கை வைத்தனர். அதற்கு தம்பிதுரை கூறியதாவது, பொதுமக்களின் அடிப்படைத் தேவையாக இருப்பது குடிநீர் அந்த தண்ணீர்உங்களுக்கு வேண்டும் என்றால் இரட்டை இலை சின்னம் வெற்றி பெற்றால் மட்டும் தான் கிடைக்கும். தப்பித்தவறி கை சின்னத்திற்கு வாக்களித்தால் தண்ணீர் வராது என்றும், தேர்தல் முடிந்த பிறகு ரூ. 2 ஆயிரம் உங்களை வந்து அடையும் என்றார்.

தேர்தல் பரப்புரையின் போது தம்பிதுரை மிரட்டும் தொணியில் பேசியது பொதுமக்களிடம் சலசலப்பை ஏற்படுத்தியது.