கரூர் மாவட்டம் குளித்தலை வட்டத்திற்கு உட்பட்ட அய்யர்மலையிலுள்ள அருள்மிகு இரத்தினகிரீஸ்வரர் திருக்கோயில், இந்து அறநிலை துறையின் கீழ் நிர்வகிக்கப்பட்டு வருகிறது. இந்த கோயில் வளாகத்தில் நடைபெற்று வரும் ரோப்கார் பணிகளை தமிழ்நாடு இந்து சமய அறநிலைத்துறை அமைச்சர் பி.கே.சேகர்பாபு நேரில் சென்று ஆய்வு செய்தார்.
இந்த ஆய்வின்போது கரூர் மாவட்ட ஆட்சியர் பிரபுசங்கர், குளித்தலை சட்டப்பேரவை உறுப்பினர் ஆர்.மாணிக்கம், இந்து சமய அறநிலையத்துறை ஆணையர் குமரகுருபரன், இணை ஆணையர்கள் நாகராஜன் (திருப்பூர்), சுதர்சனம் (திருச்சி), உதவி ஆணையாளர்கள் சூரியநாராயணன், நந்தகுமார் உள்ளிட்டோர் உடனிருந்தனர்.
அப்போது செய்தியாளர்களைச் சந்தித்த அமைச்சர் சேகர்பாபு கூறியதாவது, “அய்யர்மலை ரத்தினகிரீஸ்வரர் மலைக்கோயிலில் ஆயிரத்து 117 படிக்கட்டுகளில் அமைக்கபட்டு மலை உச்சியில் பொதுமக்கள் தரிசனம் மேற்கொள்ள வேண்டுமென்பதற்காக கடந்த 2010ஆம் ஆண்டு தமிழ்நாடு முன்னாள் முதலமைச்சர் கருணாநிதியால், ரோப்கார் அமைக்கும் திட்டம் அறிவிக்கப்பட்டது.