கரூர்:கரூர் மாவட்டத்தின் புதிய ஆட்சியராக மரு.த. பிரபுசங்கர் கடந்த ஜூன் 18ஆம் தேதி பொறுப்பேற்றார். பொறுப்பேற்ற அன்று, கிருஷ்ணராயபுரம் ஊராட்சி ஒன்றியத்தில் ஆய்வு மேற்கொண்ட அவர், கருப்பத்தூர் ஊராட்சி வேங்காம்பட்டியில் உள்ள ஊராட்சி ஒன்றிய தொடக்கப்பள்ளியையும் ஆய்வு செய்தார்.
இதுபோன்ற ஆய்வுகளின்போது, ஆய்வுக்குறிப்புகளை எழுதுவது வழக்கம். அந்த வகையில் மாவட்ட ஆட்சியர் பள்ளியின் குறிப்பேட்டில் குறிப்புகளை எழுதும்போது, 1959ஆம் ஆண்டு குளித்தலை சட்டப்பேரவை உறுப்பினராக இருந்த முன்னாள் முதலமைச்சர் கருணாநிதி தொடக்கப்பள்ளியை ஆய்வு செய்து எழுதிய குறிப்பு கண்ணில் பட்டுள்ளது.