கன்னியாகுமரி மாவட்டம் சாமிதோப்பு பகுதியில் அமைந்துள்ளது அய்யா வைகுண்டசாமி திருக்கோயில். இக்கோயிலில் ஆண்டுதோறும் தை, வைகாசி, ஆவணி ஆகிய தமிழ் மாதங்களில் 11 நாள்கள் திருவிழா நடைபெறுவது வழக்கம். இந்தாண்டு தைத் திருவிழா கடந்த 17-ஆம் தேதி கொடியேற்றத்துடன் தொடங்கியது.
விழா நாள்களில் காலை, மாலையில் அய்யாவுக்குப் பணிவிடை, உச்சிப்படிப்பு, உகப்படிப்பு, அன்னதானம், வாகனபவனி உள்ளிட்ட கலைநிகழ்ச்சிகள் நடைபெற்று வருகிறது. எட்டாம் நாளான நேற்று மாலை 4 மணிக்கு அய்யா அலங்கரிக்கப்பட்ட வெள்ளைக்குதிரை வாகனத்தில் எழுந்தருளினார். பின்னர் வாகனமானது பதிவலம் வந்து முத்திரிக்கிணற்றின் அருகில் கலிவேட்டையாடும் நிகழ்ச்சி நடைபெற்றது.
அய்யா வைகுண்டசாமி கலிவேட்டையாடும் நிகழ்ச்சி