இஸ்லாமியர்களின் ஐந்து கடமைகளில் ஒன்றான நோன்பு, ஆண்டு தோறும் ரமலான் மாதத்தின் 30 நாட்களும் கடைப்பிடிக்கப்பட்டு வருகிறது. இந்தாண்டு கரோனா தொற்று தடுப்பு நடவடிக்கையாக ஊரடங்கு அமல்படுத்தப்பட்டுள்ளது. இதன்காரணமாக மசூதிகளில் நடைபெற வேண்டிய தொழுகை அனைத்தும் தகுந்த இடைவெளியை கருத்தில்கொண்டு அவரவர் வீடுகளில் நடத்திக்கொள்ளுமாறு மாநில அரசு அறிவுறுத்தியது.
இதனால் ரமலான் மாதத்தில் நடைபெறும் தராவீஹ் தொழுகையும், மாலையில் நோன்பு திறக்கும் நிகழ்வு உள்ளிட்ட அனைத்தும் அவரவர் வீடுகளிலேயே மேற்கொள்ளப்பட்டது. 30 நாள்கள் நோன்பு முடிந்த பின் பிறை கண்டு கொண்டாடப்படும் ரமலான் பண்டிகை தமிழ்நாட்டில் நாளை நடைபெற உள்ள நிலையில், கேரளாவிலும், அதனை ஒட்டியுள்ள கன்னியாகுமரி மாவட்டத்திலும் இன்று கொண்டாடப்பட்டுவருகிறது.
வீடுகளிலேயே ரமலான் தொழுகை நிறைவேற்றிய மக்கள்