கன்னியாகுமரியில் ரயில்வே ஊழியர் ரயிலிலேயே தூக்கிட்டு தற்கொலை!

கன்னியாகுமரியில் நிறுத்தி வைக்கப்பட்டிருந்த ரயிலில், ரயில்வே ஊழியர் தூக்கிட்டு தற்கொலை செய்து கொண்ட சம்பவம் பெரும் பரபரப்பை ஏற்படுத்தி உள்ளது.

கன்னியாகுமரி மாவட்டம் நேதாஜி காலனியை சேர்ந்தவர் சுவாமிநாதன் (54). இவர் தென்னக ரயில்வே கட்டுப்பாட்டில் உள்ள கன்னியாகுமரி ரயில் நிலையத்தில் பாயிண்ட்ஸ் மேனாக (கொடி அசைப்பவர்) பணியாற்றி வந்தார். சுவாமிநாதன், ஏற்கனவே சில நாட்களாக சரிவர பணிக்கு வரவில்லை என்று கூறப்படுகிறது.

தற்கொலை தவிர்.. தலை நிமிர்ந்து வாழ்..

கடந்த மூன்று நாட்களாக தொடர்ந்து பணிக்கு வராமல் இருந்துள்ளார். இந்த நிலையில் இன்று (டிச.17) அதிகாலை கன்னியாகுமரியில் இருந்து பெங்களூரு செல்லும் ஐலேண்ட் எக்ஸ்பிரஸ் ரயிலில், சுவாமிநாதன் தூக்கிட்டு தற்கொலை செய்துள்ளார். இதுகுறித்து அறிந்த ரயில்வே போலீசார் சுவாமிநாதனின் உடலைக் கைப்பற்றினர்.

அதைத்தொடர்ந்து பரிசோதனைக்காக உடலை ஆசாரிபள்ளம் அரசு மருத்துவக் கல்லூரி மருத்துவமனைக்கு அனுப்பி வைத்தனர். இதுதொடர்பாக காவல் துறையினர் தீவிர விசாரணை மேற்கொண்டு வருகின்றனர்.

இதையும் படிங்க:மனைவியை வெட்டிக் கொலை செய்த கணவர் - கைதுக்கு பயந்து தற்கொலை முயற்சி