கன்னியாகுமரி மாவட்டம் வெள்ளிமலை விவேகானந்தா ஆசிரமத்தை தலைமையிடமாகக் கொண்டு செயல்படுகிறது இந்து தர்ம வித்யாபீடம். தமிழ்நாடு, கேரளா உள்ளிட்ட பிற பகுதிகளில் இந்த அமைப்பு மாணவர்களுக்கு ஆன்மீக வகுப்புகளை நடத்தி வருகிறது. இந்நிலையில், இந்து தர்ம வித்யாபீடம் மாணவர்களுக்கான பட்டமளிப்பு விழா நடைபெற்றது. இந்த விழாவில் சிறப்பு விருந்தினராக பங்கேற்ற மாதா அமிர்தானந்தமயி மாணவர்களுக்கு பட்டங்களை வழங்கி ஆன்மீக சொற்பொழிவாற்றினார்.
அப்போது அவர் கூறுகையில், 'படித்தால் மட்டும் போதாது, அதை பின்பற்றி மற்றவர்களுக்கு உதாரணமாக வாழ்ந்து காட்டவேண்டும். முயற்சிதான் உங்களது வெற்றியை நிர்ணயிக்கும். இறையருள் இருந்தால் நாம் வாழ்வில் வெற்றி பெறமுடியும். நம் தாயை மதிப்பது போல் நம்முடைய பண்பாட்டையும் மதிக்க வேண்டும். இன்று வாழ்வில் எதிலும் வேகம். ஒன்றிலும் கவனம் செலுத்த முடிவதில்லை.