கன்னியாகுமரி மாவட்டம், ஈத்தாமொழி அருகே உள்ள சூரங்குடி பகுதியில் அரசு மேல்நிலைப்பள்ளி உள்ளது. இங்கு ஒன்பதாம் வகுப்பு படித்து வரும் மாணவர் ஒருவர் பாடப்புத்தகம் கொண்டு செல்லவில்லை எனக் கூறி, கணித ஆசிரியர் மோகன் என்பவர் மாணவனை பிரம்பால் கடுமையாகத் தாக்கியுள்ளார்.
இதனால் உடலின் பல பகுதிகளில் காயம் ஏற்பட்டுள்ளது. பின்னர் வீட்டிற்குச்சென்ற மாணவன் பெற்றோரிடம் இதுகுறித்து தெரிவித்துள்ளார். அப்போது, மாணவனின் உடலில் காயமடைந்த பகுதிகளை வீடியோ பதிவு செய்து சமூக வலைதளங்களில் பெற்றோர் பதிவிட்டுள்ளனர். மேலும் ஈத்தாமொழி காவல் நிலையத்திலும் இது சம்பந்தமாக புகார் அளித்துள்ளனர்.