காஞ்சிபுரம் மாவட்டத்தில் வரும் சட்டப்பேரவைத் தேர்தலில் வாக்காளர்கள் 100 விழுக்காடு வாக்களிக்க வேண்டும் என்பதை வலியுறுத்தும் வகையில் தேர்தல் ஆணையத்தின் அறிவிப்பின்படி காஞ்சிபுரம் மாவட்டம் நிர்வாகம் பல்வேறுவிதமான விழிப்புணர்வு நடவடிக்கைகளை எடுத்துவருகிறது.
அதன்படி, காஞ்சிபுரம் பேருந்து நிலையத்தில் வாக்காளர்களுக்கு விழிப்புணர்வை ஏற்படுத்தும் வகையில் மாதிரி வாக்குப்பதிவு மையம் அமைக்கப்பட்டு நேற்று (மார்ச் 5) மாதிரி வாக்குப்பதிவு நடந்தது. இதனை மாவட்ட ஆட்சியர் மகேஸ்வரி ரவிக்குமார் தொடங்கிவைத்தார்.
மாதிரி வாக்குப்பதிவு நிகழ்ச்சி
அப்போது, அங்கு வைக்கப்பட்டிருந்த ஒரு வாக்குப்பதிவு இயந்திரத்தில் கோளாறு ஏற்பட்டதால் மாவட்ட ஆட்சியர் உள்பட அங்கிருந்த அலுவலர்கள் அதிர்ச்சி அடைந்தனர். தொடர்ந்து, அந்த மையத்தில் வைக்கப்பட்டுள்ள மற்றொரு வாக்குப்பதிவு இயந்திரத்தில் மாவட்ட ஆட்சியர் முன்னிலையில் பொதுமக்கள் வாக்களிக்க முயன்றனர்.
அதிலும் இயந்திரக்கோளாறு ஏற்பட்டதால் அங்கு சலசலப்பு ஏற்பட்டது. சில நிமிடங்களில் அங்கிருந்த அலுவலர்கள் இயந்திரக் கோளாறுகளைச் சரிசெய்ததை அடுத்து, பொதுமக்கள், நகராட்சி அலுவலர்களைக் கொண்டு நடத்தப்பட்டது.