காஞ்சிபுரம் மாவட்டம் உத்திரமேரூர் அருகே தனியார் இரும்பு தொழிற்சாலை செயல்பட்டு வருகிறது. இந்த தொழிற்சாலையில் நேற்று பாய்லர் பயங்கர சத்தத்துடன் வெடித்துச் சிதறியதில் பணியில் ஈடுபட்டிருந்த வடமாநிலத்தைச் சேர்ந்த எட்டு தொழிலாளர்கள் படுகாயமடைந்தனர்.
பாதிக்கப்பட்டவர்கள் சென்னை கீழ்ப்பாக்கம் அரசு மருத்துவமனையில் அனுமதிக்கப்பட்டிருந்த நிலையில், சிகிச்சை பலன் இன்றி நேற்று வடமாநில தொழிலாளர்கள் அகிலேஷ், சுரேந்தர் மற்றும் ஜக்ஷி ஆகிய மூன்று பேர் உயிரிழந்தனர். இந்நிலையில் 90 சதவிகித தீ காயங்களுடன் தீவிர சிகிச்சை பெற்று வந்த மற்றொரு தொழிலாளியான தினேஷ் என்பவர் இன்று உயிரிழந்தார்.