காஞ்சிபுரம்: வழக்குகளை தீர்க்கும் தலமாக விளங்கும் பிரசித்திபெற்ற ஸ்ரீ வழக்கறுத்தீஸ்வரர் திருக்கோயிலுக்கு சென்ற நடிகர் டி.ராஜேந்தர் அங்குள்ள காமாட்சி அம்மன் கோயிலில் சாமி தரிசனம் செய்தார்.
நவக்கிரக வழிபாடு உள்ளிட்ட சிறப்பு பூஜைகள் செய்த நடிகர் டி.ராஜேந்தர் தனது மகன் ஜாதகத்தை வைத்து சிறப்பு அர்ச்சனை செய்தார். கோயில் கொடி மரம் பகுதியில் நெய் தீபம் ஏற்றி, தன் மகன் திருமணத்திற்காக சிறப்பு பிரார்த்தனை செய்தார்.
தொடர்ந்து செய்தியாளர்களைச் சந்தித்த அவர், தான் மறுபிறவி எடுத்துள்ளதாகவும், கடந்த முறை 'பீப்' பாடல் பிரச்சனையின்போது இங்கு வந்து தனது குறைகளை வழக்கறுத்தீஸ்வரரிடம் கோரிக்கையாக வைத்த நிலையில், சுமூகமாக தீர்ந்ததாகவும் தெரிவித்தார்.