ஈரோடு: பவானிசாகர் அணையின் முன்பு பொதுப்பணித்துறைக்குச் சொந்தமான பூங்கா அமைந்துள்ளது. இந்த பூங்காவில் படகு இல்லம், செயற்கை நீரூற்று, சிறுவர் ரயில், ஊஞ்சல், சறுக்கு, கொலம்பஸ் உள்ளிட்ட பல்வேறு விளையாட்டு சாதனங்கள், அழகிய புல்தரைகள் உள்ளதால் சுற்றுலாப் பயணிகள் மற்றும் பார்வையாளர்கள் தினமும் பூங்காவிற்கு வந்து செல்வது வழக்கம்.
ஒமைக்ரான் பரவல் காரணமாகச் சுற்றுலாத் தலங்களுக்குப் பார்வையாளர்கள் செல்லத் தடை விதிக்கப்பட்டுள்ள நிலையில், ஈரோடு மாவட்ட ஆட்சியரின் அறிவுரையின் பேரில், கடந்த டிசம்பர் 31ஆம் தேதி முதல் இன்று (ஜனவரி 2) வரை பவானிசாகர் அணை பூங்காவில் பார்வையாளர்களுக்கு அனுமதி இல்லை எனப் பொதுப்பணித் துறை அறிவித்தது. இதையடுத்து, அணையின் பூங்காவும் மூடப்பட்டது.
பவானிசாகர் அணைப் பூங்கா மூடப்பட்டது: சுற்றுலாப் பயணிகள் ஏமாற்றம்..!