சத்தியமங்கலம் புலிகள் காப்பகத்தில் உள்ள கடம்பூர் மலைப்பகுதியில் கடந்த சில தினங்களுக்கு முன்பு தாயைப் பிரிந்த பெண் குட்டியானை ஒன்று அப்பகுதியில் உள்ள விவசாய நிலங்களில் புகுந்தது. இதுகுறித்து தகவலறிந்து வந்த வனத்துறையினர், குட்டியானையை மீட்டு அடர்ந்த வனப்பகுதிக்குள் கொண்டு சென்று விட்டனர்.
இந்நிலையில் கடந்த இரண்டாம் தேதி குட்டியானை ஆசனூர் வனப்பகுதியில் உள்ள வனச்சாலையில் சோகமாக சுற்றித் திரிந்ததைக்கண்ட வனத்துறையினர், அதனை மீட்டு பவானிசாகர் அருகே உள்ள காராச்சிக்கொரை வன கால்நடை மையத்திற்கு கொண்டு சென்றனர்.
குட்டியானையை பராமரித்து வரும் வனத்துறையினர்
குட்டியானையை பரிசோதித்த வனத்துறை கால்நடை மருத்துவர் அசோகன், 'மூன்று மாதமான பெண் குட்டியானை தாயை பிரிந்ததால் மற்ற யானைகள் இந்த குட்டியானையை சேர்க்காது' என தெரிவித்துள்ளார்.