நாட்டுத் துப்பாக்கியை பதுக்கி வைத்திருந்த மூன்று பேர் கைது!

ஈரோடு: அந்தியூர் அருகே நாட்டுத் துப்பாக்கிகள் பதுக்கி வைத்திருந்த மூன்று பேரை காவல்துறையினர் கைது செய்தனர்.

ஈரோடு மாவட்டம், அந்தியூர் அருகே நாட்டுத் துப்பாக்கிகள் பதுக்கி வைத்திருப்பதாக தனிப்படை போலீசாருக்கு ரகசிய தகவல் கிடைத்தது. இதனையடுத்து சந்தேகத்தின் பெயரில் ஈசப்பாறை பகுதியைச் சேர்ந்த கருப்பண்ணன் (34), குருநாதன் (69), பெருமபாளையம் பகுதியைச் சேர்ந்த ஜெயப்பிரகாஷ் (37) ஆகிய மூன்று பேரையும் போலீசார் கைது செய்தனர். அதன் பின்னர், அவர்களிடம் நடத்திய விசாரணையில் நாட்டுத் துப்பாக்கிகளை அங்கு உள்ள வனப்பகுதியில் பதுக்கி வைத்திருப்பதாக தெரிவித்தனர்.

இதனையடுத்து சம்பவ இடத்திற்கு சென்ற போலீசார் மூன்று நாட்டு துப்பாக்கிகளை பறிமுதல் செய்து விசாரணை நடத்தி வருகின்றனர். கடந்த பதினைந்து தினங்களில் மட்டும் அந்தியூர் பகுதியில் 12 நாட்டுத் துப்பாக்கிகள், ஒரு கை துப்பாக்கியை பறிமுதல் செய்த தனிப்படை போலீசார் அவற்றை பயன்படுத்திய 10 பேரை கைது செய்து சிறையில் அடைத்து இருப்பது குறிப்பிடத்தக்கது.