ஈரோடு மாவட்டம், பவானிசாகா் அருகே கொத்தமங்கலம் வனப்பகுதியில் காட்டுப் பன்றிகளை வேட்டையாடுவதாக பவானிசாகா் வனச் சரக அலுவலா் மனோஜ்குமாருக்கு தகவல் கிடைத்தது.
இதையடுத்து, வேட்டைத்தடுப்பு காவலா்கள், வனத்துறை ஊழியா்கள் ரோந்து பணியில் ஈடுபட்டனர். அப்போது கொத்தமங்கலம் என்ற பகுதியில் காட்டுப் பன்றி இறைச்சியைப் பிரித்து பங்கிட்டு விற்க முயற்சித்த கொத்தமங்கலம், நெரிஞ்சிப்பேட்டையைச் சோ்ந்த கருப்புசாமி (59), இறைச்சியை வாங்கி சமைத்த ரவி (49), ராஜன்நகர் கிராமத்தைச் சோ்ந்த கிருஷ்ணராஜ் (39) ஆகிய 3 பேரையும் பிடித்தனர்.