திண்டுக்கல்: பழனி பாலாறு - பொருந்தலாறு அணையில் தொடர் மழை காரணமாக முழு கொள்ளளவை எட்டியுள்ளது. 65 அடி உயரம் கொண்ட பாலாறு - பொருந்தலாறு அணை முழு கொள்ளளவை எட்டியதை அடுத்து விவசாயத் தேவைக்காக தண்ணீர் திறந்து விடக்கோரி முதலமைச்சருக்கு விவசாயிகள் கோரிக்கை விடுத்தனர்.
தண்ணீர் திறப்பு
விவசாயிகளின் கோரிக்கையை ஏற்று பாலாறு - பொருந்தலாறு அணையிலிருந்து பழைய அணைக்கட்டு கால்வாய் மூலம் புன்செய் பாசனத்திற்காக இன்று முதல் 120 நாட்களுக்கு தண்ணீர் திறக்க உத்தரவிடப்பட்டுள்ளது. தற்போது வினாடிக்கு 1,220 கன அடி தண்ணீர் பழைய அணைக்கட்டு கால்வாய் வழியாக செல்கிறது.