திண்டுக்கல்:திண்டுக்கல் மாவட்டம் கொடைக்கானல் அந்தோணியார் கோயில் தெருவைச் சேர்ந்தவர் விஜய். இவர் வனத்துறை வேட்டை தடுப்பு காவலராக பணியாற்றிவருகிறார். இவருக்கும், அதே பகுதியைச் சேர்ந்த ஆகாஷ் மற்றும் அவரது சகோதரர்களுக்கும் இடையே ஏற்கனவே நிலத்தகராறு இருந்து வந்துள்ளது.
இந்நிலையில் இன்று (டிச.17) காலை இருவருக்கும் நிலத்தகராறு காரணமாக வாக்குவாதம் ஏற்பட்டு, பின்பு கைகலப்பாக மாறியது. அப்போது ஆத்திரமடைந்த ஆகாஷ், தான் மறைத்து வைத்திருந்த கத்தியால் விஜய்யின் முதுகில் குத்தியுள்ளார். இதில் படுகாயமடைந்த அவர், தற்போது கொடைக்கானல் அரசு மருத்துவமனையில் சிகிச்சை பெற்றுவருகிறார்.