நிலத்தகராறில் துப்பாக்கிச் சூடு; திண்டுக்கல்லில் நடந்தது என்ன?
திண்டுக்கல்: சிறுமலையில் உள்ள அகஸ்தியர்புரம் பகுதியில் காரைக்குடியைச் சேர்ந்த தனபால் என்ற ஓய்வு பெற்ற ராணுவ வீரர் விவசாயம் செய்து வருகிறார். இந்நிலையில் தனது விவசாய நிலத்தில் இருந்து ஐந்து ஏக்கர் நிலத்தை நெல்லூர் பகுதியைச்சேர்ந்த கருப்பையா என்பவருக்கு விற்பனை செய்துள்ளார்.
தனபால் விற்பனை செய்த ஐந்து ஏக்கர் நிலம், அளவு குறைவாக இருப்பதாகக் கூறி கருப்பையா மற்றும் ராஜாகண்ணு என்ற இருவரும் தனபாலிடம் குறைவாக உள்ள இடத்திற்கு பணத்தை தருமாறு வாக்குவாதத்தில் ஈடுபட்டுள்ளதாக கூறப்படுகிறது. ஒரு கட்டத்தில் வாக்குவாதம் முற்றவே தனபால் தான் வைத்திருந்த பரலி துப்பாக்கியால் முதலில் கருப்பையாவை வயிறு மற்றும் தொடைப் பகுதியில் சுட்டுள்ளார்.