திண்டுக்கல்: நத்தம் தொகுதிக்குட்பட்ட சாணார்பட்டி அருகே உள்ளது மார்க்கம்பட்டி கிராமம். இங்கு பொதுப்பணித்துறைக்கு சொந்தமான குளம் ஒன்று உள்ளது. அந்த குளத்தில் வாய்க்கால் செல்லும் பாதையை சிலர் ஆக்கிரமித்து இருப்பதாக கிராம நிர்வாக அலுவலருக்கு(VAO) புகார்கள் வந்துள்ளது.
இதையடுத்து ஊராட்சி நிர்வாகத்தின் உதவியோடு ஜேசிபி இயந்திரம் மூலம் ஆக்கிரமிப்புகள் அகற்றப்பட்டது. இதையடுத்து கிராம நிர்வாக அலுவலகத்திற்கு வந்த மார்க்கம்பட்டியை சேர்ந்த திருப்பதி, செல்வம், மூர்த்தி ஆகிய மூன்றுபேரும் ’எப்படி ஆக்கிரமிப்பை எடுத்தீர்கள், உங்கள் தலையை வெட்டிவிடுவேன்’ என்று கொலை மிரட்டல் விடுத்துள்ளனர்.
ஆக்கிரமிப்பை அகற்றிய விஏஒ-வுக்கு கொலை மிரட்டல்