தர்மபுரி மாவட்டத்தில் பல்வேறு அரசு நிகழ்ச்சிகளில் கலந்து கொள்ள பள்ளிக்கல்வித்துறை அமைச்சர் அன்பில் மகேஷ் பொய்யாமொழி அங்கு சென்றுள்ளார். அந்த வகையில் அவ்வையார்அரசு மகளிர் மேல்நிலைப்பள்ளியில் ஆய்வு மேற்கொண்டார். அப்போது மாற்றுத்திறனாளி ஆசிரியையான தமிழ்ச்செல்வியின் வகுப்பறைக்குச் சென்று முதல் பெஞ்ச்சில் அமர்ந்து, மாணவர்களுடன் பாடத்தை கவனித்தார்.
அமைச்சர் அன்பில் மகேஷ் சர்ப்ரைஸ்
அப்போது ஆசிரியை தமிழ்ச்செல்வி, வைரமுத்து கவிதைகள் குறித்து பாடம் எடுத்துள்ளார். இதனால் ஆர்வமடைந்த அன்பில் மகேஷ் பொய்யாமொழி, அந்த நேரத்திலேயே பாடலாசிரியா் வைரமுத்துவுக்கு தனது செல்போனில் தொடர்பு கொண்டு பேசினார். அதோடு உங்கள் கவிதைகளைத்தான் பாடம் எடுக்கிறார்கள் என்று கூறி, தமிழ்ச்செல்வியிடம் பேசவைத்தார்.