வழிப்பாதை தகராறு: அண்ணனை வெட்டிக்கொன்ற தம்பி கைது

பி. கொல்லப்பட்டியில் வழிப்பாதை தகராறு காரணமாக அண்ணனை வெட்டிக் கொன்ற தம்பியை காவல் துறையினர் கைதுசெய்தனர்.

தர்மபுரி: பாப்பாரப்பட்டி அடுத்த பி. கொல்லப்பட்டி கிராமத்தைச் சேர்ந்தவர் ராஜா (55). இவரது தம்பி அம்மாசி. இவர்களுக்கு இடையே நீண்ட காலமாக வழிப்பாதை தகராறு இருந்துவந்தது.

இந்நிலையில் நேற்று (ஜூலை 19) இருவருக்கும் இடையே வாக்குவாதம் ஏற்பட்டது. அப்போது அம்மாசி கையிலிருந்த மண்வெட்டியால் ராஜாவைத் தாக்கியுள்ளார். இதில் பலத்த காயமடைந்த ராஜா சம்பவ இடத்திலேயே உயிரிழந்தார்.

இது குறித்து தகவலறிந்து வந்த பாப்பாரப்பட்டி காவல் துறையினர் ராஜாவின் உடலைக் கைப்பற்றி உடற்கூராய்விற்காக அரசு மருத்துவமனைக்கு அனுப்பிவைத்தனர். மேலும் அம்மாசியை கைதுசெய்து விசாரணை மேற்கொண்டுவருகின்றனர்.

இதையும் படிங்க: கைதி முத்து மனோ இறந்த வழக்கு - ஆவணங்களை தாக்கல் செய்த சிபிசிஐடி