கடலூர் அடுத்த பெரிய கங்கணங்குப்பம் பகுதியில் உள்ள ஜெகதீஸ்வரன் என்பவர் வீட்டில் வீடு கட்டும் பணி நடைபெற்றுவருகிறது. இதில் செப்டிக் டேங்க் பணி கடந்த மாதம் நிறைவுபெற்றது. இந்நிலையில், விழுப்புரம் பகுதியைச் சேர்ந்த மாணிக்கம், ராஜ்குமார் இன்று காலை புதிதாக கட்டப்பட்ட செப்டிக் டேங்க் உள்ளே இறங்கியுள்ளனர்.
இதில் எதிர்பாராதவிதமாக இரண்டு பேரும் விஷவாயு தாக்கி சம்பவ இடத்திலேயே உயிரிழந்துள்ளனர். தகவலறிந்து விரைந்துவந்த தீயணைப்புத் துறையினர் செப்டிக் டேங்க் பக்கவாட்டில் துளையிட்டு வாயுவை வெளியேற்றிய பின்னர் அவரது உடலை மீட்டனர்.
இச்சம்பவம் குறித்து கடலூர் ரெட்டிச்சாவடி காவல் துறையினர் வழக்குப்பதிவு செய்து விசாரணை நடத்திவருகின்றனர். மேலும் அவர்களது உடல்கள் உடற்கூறாய்வுக்காக கடலூர் அரசு மருத்துவமனைக்கு அனுப்பிவைக்கப்பட்டுள்ளது.