கோவிந்தராஜப் பெருமாள் கோயிலில் சொர்க்கவாசல் திறப்பு
கடலூர்: உலகப் பிரசித்தி பெற்ற சிதம்பரம் ஸ்ரீநடராஜர் கோயில் உள்ளே உள்ள தில்லை திருச்சித்திரக்கூடம் ஸ்ரீகோவிந்தராஜப் பெருமாள் கோயிலில் வைகுண்ட ஏகாதசி திருநாளினை முன்னிட்டு, பரமபத வாசல் (சொர்க்கவாசல்) திறப்பு நிகழ்ச்சி இன்று காலை 5.50 மணிக்கு நடைபெற்றது. இதில் அரக்கணக்கான பக்தர்கள் பங்கேற்று பெருமாளை தரிசித்தனர்.
வைகுண்ட ஏகாதசி மார்கழி மாதத்தில் வரும் வளர்பிறை 11ஆம் நாளினை வைகுண்ட ஏகாதசியாக கொண்டாடுகின்றனர். பெருமாளின் இருப்பிடமாகக் கருதும் வைகுண்டத்தின் கதவுகள் அன்று திறக்கப்படுவதாக நம்பப்படுகிறது. இந்நாளில் முன்னிரவில் உறங்காது இருந்து அதிகாலையில் பெருமாள் கோயில்களில் அன்று மட்டும் திறக்கும் வடக்குத் திசையில் உள்ள பரமபத வாயில் என்றழைக்கப்படும் வாயில் வழியே சென்று இறைவனை வழிபடுவர்.