ரூ. 2 கோடி மதிப்பிலான போதைப் பொருள்கள் அழிப்பு - போலீசார் அதிரடி

கடலூர்: ரூ. 2 கோடி மதிப்பிலான போதைப் பொருள்களை காவல் துறையினர் எரித்து சாம்பலாக்கினர்.

கடலூர் மாவட்டம் திருவந்திபுரம் ஊராட்சிக்குட்பட்ட கே.என்.பேட்டையில் மகேஸ்வரி கந்தசாமி என்பவரது வீட்டில் இருந்து பல டன் எடையுள்ள போதைப் பொருள்களை காவல் துறையினர் பறிமுதல் செய்தனர். மேலும் இதுதொடர்பாக ஐந்து பேரை கைது செய்துள்ளனர்.

இந்த போதைப்பொருள்களின் மதிப்பு 2 கோடி ரூபாய் எனத் தெரிகிறது. பின்னர் போதைப் பொருள்களை அழிப்பதற்கு காவல் துறையினர் நீதிமன்றத்தில் அனுமதிக் கோரினர். நீதிமன்றம் உத்தரவிட்டதின் பேரில், கம்மியம்பேட்டை பகுதியில் வைத்து போதைப் பொருள்களை காவல் துறையினர் எரித்து சாம்பலாக்கினர்.

இதையும் படிங்க: தடைசெய்யப்பட்ட போதைப்பொருள்கள் பறிமுதல்!