கோயம்புத்தூரில் தூய்மை பணியில் ஈடுபட்ட தன்னார்வலர்கள்!

கோயம்புத்தூரில் தூய்மை பணியில் ஈடுபட்ட தன்னார்வலர்கள் மலை பாதையில் சுமார் 1000 கிலோ கண்ணாடி பாட்டில்களை அகற்றினர்.

தமிழ்நாடு வன உயிரின அமைப்பு மற்றும் வன விலங்குகள் பாதுகாப்பு அமைப்புகள் சார்பில் கோவை ஆனைகட்டி சாலையில் உள்ள மதுபாட்டில்கள் மற்றும் பிளாஸ்டிக் குப்பைகள் அகற்றும் பணி தமிழ்நாடு வன உயிரின அமைப்பின் தலைவர் அருண்குமார் தலைமையில் நடைபெற்றது.

இதில் 30க்கும் மேற்பட்ட தன்னார்வலர்கள் கலந்துகொண்டு தடாகம் பகுதி தண்ணீர் பந்தல் முதல் மாங்கரை வரை மலைப்பாதையை ஒட்டியுள்ள சாலையில் வீசப்பட்டிருக்கும் கண்ணாடி பாட்டில்கள், பிளாஸ்டிக் காகிதங்களை அகற்றினர். இந்த தூய்மை பணியில் 1000 கிலோ கண்ணாடி பாட்டில்கள் மற்றும் பிளாஸ்டிக் குப்பைகளை சேகரித்து அருகில் உள்ள குப்பைக்கிடங்கில் ஒப்படைக்கப்பட்டது.

மேலும் கோவை வனத்துறையினர் அனுமதி கொடுத்தால் வனப்பகுதி வழியாக செல்லும் சாலையில் உள்ள கண்ணாடி பாட்டில்கள் மற்றும் பிளாஸ்டிக் குப்பைகளை அகற்றுவதற்கும் நாங்கள் தயாராக உள்ளோம் என்றும் தன்னார்வலரகள் கூறினர்.

இதையும் படிங்க:சமையல் எரிவாயு விலை உயர்வு: விறகு அடுப்பில் சமைத்து போராட்டம்