சிறுமியை பாலியல் வன்புணர்வு செய்ய முயன்ற இளைஞர் கைது

கோவை: தெலுங்குபாளையம் பகுதியில் சிறுமியை பாலியல் வன்புணர்வு செய்ய முயன்ற இளைஞரை காவல் துறையினர் கைது செய்தனர்.

கோவை மாவட்டம் தெலுங்குபாளையம் பகுதியைச் சேர்ந்த 13 வயது சிறுமியும், பக்கத்து விட்டில் குடியிருக்கும் 26 வயது இளைஞரும் இளைஞரின் நண்பர் ஆகியோர் நண்பர்களாக பழகி வந்துள்ளனர்.

இந்நிலையில் கடந்த இரு நாள்களுக்கு முன்பு அந்த இரண்டு இளைஞர்கள், 13 வயது சிறுமியை அப்பகுதியில் உள்ள காட்டுப் பகுதிக்கு அழைத்துச் சென்று பாலியல் வன்புணர்வு செய்ய முயன்றதாகக் கூறப்படுகிறது. ஆனால் சிறுமி அவர்களிடமிருந்து தப்பித்து வீட்டிற்கு சென்று நடந்தது குறித்து தனது பெற்றோர்களிடம் கூறியுள்ளார்.

இதனையடுத்து அச்சிறுமியின் பெற்றோர்கள் கோவை ஆர்.எஸ். புரம் அனைத்து மகளிர் காவல் நிலையத்தில் இதுகுறித்து புகார் அளித்துள்ளனர். அப்புகாரின் பேரில் மகளிர் காவல் துறையினர், 26 வயது இளைஞரைக் கைது செய்த நிலையில், மற்றொருவர் தலைமறைவானார்.

தொடர்ந்து தலைமறைவாகியுள்ள அந்த இளைஞரை காவல் துறையினர் தேடி வருகின்றனர். கைது செய்யப்பட்ட 26 வயது இளைஞர் மீது போக்சோ பிரிவின் கீழ் வழக்குப்பதிவு செய்து, சிறையில் அடைக்கப்பட்டுள்ளார்.