கோவை: மாநகர் பகுதியில் அவினாசி சாலை, திருச்சி சாலை, மேட்டுப்பாளையம், பொள்ளாச்சி, மருதமலை ரோடு உள்ளிட்ட பல்வேறு இடங்களில் 52 போக்குவரத்து சிக்னல்கள் உள்ளன. இந்த சிக்னல்களை போக்குவரத்துக் காவலர்கள் அமர்ந்து இயக்க வசதிகள் செய்யப்பட்டுள்ளன.
கடந்த ஐந்து ஆண்டுகளுக்கு முன்பு காவலர்கள், சிக்னல்களை தன்னிச்சையாக இயக்கும் திட்டம் அமலுக்கு வந்தது. இதனால் அதிக வாகனங்கள் தேங்கி நிற்கும் சாலையில் தேவையான நேரம் அவகாசம் கொடுத்து போக்குவரத்து சரி செய்யும் பணிகளில் காவலர்கள் ஈடுபட்டு வந்தனர்.
காவலர்கள் பணியில் இல்லாத நேரத்தில் டைமர் முறையில் சிக்னல்கள் இயக்கப்பட்டு வருகின்றன. இந்நிலையில், சோதனை முயற்சியாக சிக்னல்களை காவலர்கள் சாலையில் நடந்து கொண்டே ரிமோட் மூலம் இயக்கும் வகையிலான திட்டம் கோவையில் அறிமுகப்படுத்தப்பட்டுள்ளது.
டிராபிக் போலீசுக்கு ரிமோட் சிக்னஸ் கண்ட்ரோலர்- கோவையில் சோதனை முயற்சி