கோயம்புத்தூர் மாவட்டம், வால்பாறை அருகே உள்ள ஹைபாரஸ்ட் எஸ்டேட் 14ஆம் எண், தேயிலைக் காட்டில் குட்டி யானை ஒன்று உயிரிழந்ததாக வனத்துறையினருக்குத் தகவல் கிடைத்தது.
தகவலின் அடிப்படையில் அங்கு விரைந்த ஆனைமலை புலிகள் காப்பக வனச்சரக அலுவலர்கள், யானைக்குட்டி உயிரிழந்ததை உறுதிசெய்து சம்பந்தப்பட்ட மருத்துவருக்குத் தகவல் தெரிவித்துள்ளனர். பின்பு மருத்துவரின் பரிசோதனைக்குப் பின்பு, அப்பகுதியிலேயே குழிதோண்டி புதைத்துள்ளனர்.