வாக்காளர் பட்டியலில் இந்தியில் பெயரிடப்பட்டதால் சர்ச்சை!

நகர்ப்புற உள்ளாட்சித் தேர்தல் வாக்காளர் பட்டியல் வெளியீட்டில் ஒருவரது பெயர் இந்தியில் பெயரிடப்பட்டதால் சர்ச்சை எழுந்துள்ளது.

கோவை: நகர்ப்புற உள்ளாட்சித் தேர்தல் அறிவித்துள்ள நிலையில் திருத்தப்பட்ட வாக்காளர் பட்டியல் இரு தினங்களுக்கு முன் வெளியிடப்பட்டது.

இந்நிலையில், தமிழ்நாடு தேர்தல் ஆணையம் வெளியிட்டுள்ள வாக்காளர் பட்டியலில், கோயம்புத்தூர் - தெற்கு சட்டப் பேரவைத் தொகுதிக்குட்பட்ட 69ஆவது பூத் வரிசை எண் 633இல் வாக்காளர் ஒருவரது பெயர் மற்றும் அவரின் தந்தை பெயர் இந்தியில் வெளியிடப்பட்டுள்ளது.

இதனை ஒருவர் புகைப்படம் எடுத்து சமூக வலைத்தளங்களில் வெயிட்ட நிலையில், இதற்குப் பலரும் கண்டனங்களைத் தெரிவித்து வருகின்றனர்.

இதுகுறித்து சம்பந்தப்பட்ட வாக்காளர் அறிந்து, அவர் அளிக்கும் பதிலில் தான் அவர் வாக்காளர் அடையாள அட்டைக்குப் பதிவு செய்யும் போதே இந்தியில் பதிவிட்டாரா அல்லது பிழையா எனத் தெரியவரும்.