கோவை: கோவை சிங்காநல்லூர் பகுதியைச் சேர்ந்த கார்த்திகேயனின் மகள் ஹேமர்னா (7). கடந்த சில தினங்களுக்கு முன் கைவிரலில் அடிபட்ட நிலையில் நேற்று முன் தினம் ஹேமர்னா சிங்காநல்லூர் பகுதியில் உள்ள முத்தூஸ் மருத்துவமனையில் அனுமதிக்கப்பட்டார்.
அங்கு அவருக்கு அறுவை சிகிச்சை செய்ய வேண்டுமென மருத்துவர்கள் கூறியுள்ளனர். அதற்கு பெற்றோர் அனுமதித்த நிலையில் நேற்று மாலை சிறுமி சிகிச்சைப் பலனின்றி உயிரிழந்ததாக மருத்துவமனை நிர்வாகத்தினர் தெரிவித்து சிறுமியின் உடலை உடற்கூராய்விற்காக கோவை அரசு மருத்துவமனைக்கு அனுப்பிவைத்தனர்.
கைவிரலில் அறுவை சிகிச்சை மேற்கொண்ட சிறுமி உயிரிழப்பு: மருத்துவமனை முன்பு பெற்றோர் போராட்டம்