மின்சாரம் பாய்ந்து இளைஞர் உயிரிழப்பு
சென்னை: கொடுங்கையூர் முத்தமிழ் நகர் ஆறாவது பிளாக் பகுதியைச் சேர்ந்தவர், சுமதி (42). இவரது கணவர் பாஸ்கர், கடந்த நான்கு வருடங்களுக்கு முன்பு இறந்து விட்டார். சுமதிக்கு ஆகாஷ் (20) என்ற மகனும், 18 வயதில் ஒரு மகளும் உள்ளனர். ஆகாஷ் மெக்கானிக் வேலை செய்து வந்த நிலையில் கடந்த 15 நாட்களாக கொடுங்கையூர் விவேகானந்தா நகர் காளமேகம் தெருவில் உள்ள யுவராஜ் வாட்டர் வாஷ் கடையில் பணியாற்றி வந்தார்.
நேற்று (ஜன.03) காலை 11 மணியளவில் ஆகாஷ் இருசக்கர வாகனத்தை வாட்டர் வாஷ் செய்வதற்காக மின்மோட்டார் ஸ்விட்சை ஆன் செய்தார். அப்போது எலக்ட்ரிக் ஷாக் அடித்து நின்ற இடத்திலேயே மயக்கமடைந்தார். உடனடியாக, கடையின் உரிமையாளர் யுவராஜ் என்பவர் ஆகாஷை மீட்டு ஸ்டான்லி அரசு மருத்துவமனைக்கு அழைத்துச் சென்றார்.