காற்றின் வேக மாறுபாட்டால் தமிழ்நாட்டில் மழைக்கு வாய்ப்பு

சென்னை: காற்றின் வேக மாறுபாடு காரணத்தால் தமிழ்நாடு, புதுச்சேரியில் ஓரிரு இடங்களில் லேசான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

இது குறித்து சென்னை வானிலை ஆய்வு மையம் அறிக்கை ஒன்றை வெளியிட்டுள்ளது. அதில், வளிமண்டலத்தில் நிலவும் காற்றின் வேக மாறுபாடு காரணத்தால், தமிழ்நாடு, புதுச்சேரியில் அடுத்த 24 மணி நேரத்திற்கு ஓரிரு இடங்களில் லேசான மழை பெய்ய வாய்ப்புள்ளது.

சென்னையை பொறுத்தவரை வெப்பம் 23 டிகிரி செல்சியஸ் முதல் 31 டிகிரி செல்சியஸ் வரை இருக்கும். சென்னை மற்றும் சென்னையை ஒட்டிய சில பகுதிகளில் லேசான மழை பெய்ய வாய்ப்புள்ளது. பொதுவாக வானம் மேகமூட்டத்துடன் காணப்படும்.

கடந்த 24 மணி நேரத்தில் புதுக்கோட்டை மாவட்டம் திருமயத்தில் ஒரு செ.மீ. மழை பதிவாகியுள்ளது. மீனவர்களுக்கான வானிலை எச்சரிக்கை ஏதும் இல்லை எனக் குறிப்பிடப்பட்டுள்ளது.

இதையும் படிங்க...உடனுக்குடன்: தமிழ்நாடு சட்டப்பேரவைக் கூட்டத்தொடர் நிகழ்வுகள்!