ஸ்டாலினுக்கு விஷால் நேரில் வாழ்த்து!

சென்னை: மக்களவைத் தேர்தலில், திமுக தலைமையிலான கூட்டணி வெற்றி பெற்றதை அடுத்து திமுக தலைவர் ஸ்டாலினை, நடிகர் விஷால் நேரில் சந்தித்து வாழ்த்து தெரிவித்தார்.

இந்தியா முழுவதும் நடைபெற்ற மக்களவைத் தேர்தலில், தமிழ்நாட்டில் திமுக தலைமையிலான கூட்டணி அமோக வெற்றி பெற்றுள்ளது. இதையடுத்து, அரசியல் கட்சி தலைவர்கள், பிரபலங்கள் பலரும் திமுக தலைவர் ஸ்டாலினுக்கு வாழ்த்து தெரிவித்து வருகின்றனர்.

அந்த வகையில், நடிகர் விஷால், திமுக தலைவர் ஸ்டாலினை சென்னை ஆழ்வார்பேட்டையில் உள்ள அவரது இல்லத்தில் சந்தித்து வாழ்த்து தெரிவித்தார்.