வாக்களித்தார் விஜய் சேதுபதி; செல்ஃபி எடுக்க முண்டியடித்த ரசிகர்கள்!

சென்னை: நடிகர் விஜய் சேதுபதி தரமணியில் உள்ள வாக்குச்சாவடியில் தனது வாக்கினைப் பதிவு செய்தார்.

தமிழ்நாட்டில் வேலூர் நாடாளுமன்ற தொகுதி நீங்கலாக 38 தொகுதிகளுக்கும், 18 சட்டப்பேரவை தொகுதிகளுக்கான இடைத்தேர்தலும் முழு வீச்சுடன் நடைபெற்று வருகிறது.

முதலமைச்சர் எடப்பாடி பழனிசாமி, எதிர்க்கட்சித் தலைவர் ஸ்டாலின், தேமுதிக தலைவர் விஜயகாந்த், நடிகர்கள் ரஜினிகாந்த், கமல்ஹாசன், விஜய், அஜித் உள்ளிட்ட பலரும் தங்களின் வாக்குகளைப் பதிவு செய்தனர்.

அந்த வகையில், சென்னை தரமணியில் உள்ள வாக்குச்சாவடியில் நடிகர் விஜய் சேதுபதி தனது வாக்கினைப் பதிவு செய்தார்.

அப்போது, விஜய் சேதுபதியின் ரசிகர்கள் அவருடன் செல்ஃபி எடுக்க முண்டியடித்ததால் அப்பகுதியில் சிறிது நேரம் சலசலப்பு ஏற்பட்டது.