வாசன் ஐ கேர் நிறுவனர் மாரடைப்பால் மரணம்!

சென்னை : வாசன் ஐ கேர் மருத்துவமனை குழுமத்தின் நிறுவனத் தலைவர் அருண் (52) மாரடைப்பால் உயிரிழந்தார்.

சென்னை ஆழ்வார்பேட்டை கஸ்தூரி ரங்கன் சாலையில் குடும்பத்தினருடன் வசித்துவரும் வாசன் ஐ கேர் மருத்துவமனை குழுமத்தின் நிறுவனர் அருணுக்கு இன்று (நவ16) காலை 8 மணியளவில் திடீரென மாரடைப்பு ஏற்பட்டுள்ளது.

இதனைத் தொடர்ந்து, அவசர சிகிச்சைக்காக ஆம்புலன்ஸ் மூலம் காவேரி மருத்துவமனைக்கு அவரை அழைத்து சென்றுள்ளனர். அங்கு அவரை பரிசோதித்த மருத்துவர்கள், அருண் ஏற்கனவே உயிரிழந்துவிட்டதாக தெரிவித்தனர்.

வாசன் ஐ கேர் மருத்துவமனை குழுமத்தின் நிறுவனத் தலைவர் அருண் மறைவிற்கு அரசியல் தலைவர்கள், தொழிலதிபர்கள், திரைப்பிரபலங்கள் உள்ளிட்ட பலரும் இரங்கல் தெரிவித்து வருகின்றனர்.

2008ஆம் ஆண்டு திருச்சியை தலைமையிடமாக கொண்டு அருண் தொடங்கிய வாசன் ஐ கேர் மருத்துவமனையை இன்று நாடு முழுவதும் பல்வேறு கிளைகளை கொண்டுள்ளது.