சென்னை: ’கொங்கு நாடு தனி யூனியன் பிரதேசமாகிறது’ என்ற தலைப்பில் தனியார் நாளிதழ் எழுதிய கட்டுரை நேற்று (ஜூலை.11) வெளியானது. அதனைக் கண்டித்த பல்வேறு தரப்பினரும் கருத்துகளை தெரிவித்து வருகின்றனர். பெரியாரிவாதிகள் சிலர் அந்த தனியார் நாளிதழ்களை கொளுத்தி போராட்டத்தில் ஈடுபட்டனர்.
இந்நிலையில், இந்த கொங்கு நாடு விவகாரம் தொடர்பாக அமமுக பொதுச்செயலாளர் டிடிவி தினகரன் ட்வீட் செய்துள்ளார். அதில், "தமிழ்நாட்டைப் பிரிக்க வேண்டும் என எழுந்திருக்கும் விஷமக்குரல்களை மத்திய, மாநில அரசுகள் ஆரம்பத்திலேயே அடக்கிட வேண்டியது அவசியம். எந்தத் தரப்பு மக்களிடமும் அப்படி ஒரு சிந்தனையோ, கோரிக்கையோ எழாதபோது சுய லாபத்திற்காக தமிழர்களை சாதிரீதியாகக் கூறுபோட நினைப்பதை ஒரு நாளும் அனுமதிக்க முடியாது.