அப்போது பொன்னையன், இப்போது பிடிஆர்!

தமிழ்நாடு அரசின் நிதிநிலை குறித்த வெள்ளை அறிக்கையை நிதியமைச்சர் பழனிவேல் தியாகராஜன் இன்று (ஆகஸ்ட் 9) வெளியிடுகிறார். ஆனால், இதற்கு முன்னதாகவே 2001 அதிமுக ஆட்சியின்போது சி. பொன்னையன் வெளியிட்டுள்ளார். அதில் அவர் குறிப்பிட்ட அம்சம் அப்போது கவனிக்கத்தக்க ஒன்றாக இருந்தது.

சென்னை:2021-22ஆம் ஆண்டுக்கான தமிழ்நாடு நிதிநிலை அறிக்கை, சட்டப்பேரவையில் வரும் 13ஆம் தேதி தாக்கல்செய்யப்படுகிறது. இந்நிலையில், கடந்த 10 ஆண்டுகால ஆட்சியின் நிதி செயல்பாடு குறித்த வெள்ளை அறிக்கையை இன்று அமைச்சர் பழனிவேல் தியாகராஜன் வெளியிடுகிறார்.

120 பக்கங்கள் கொண்ட அந்த நிதிநிலை அறிக்கையில், கடந்த அதிமுக ஆட்சியின் நிதி நிலைமை, கடன் சுமை, கருவூலத்தில் உள்ள பணம், நிதி வருவாய் உள்ளிட்டவை குறித்த தகவல்கள் இடம்பெறவுள்ளன. இன்று காலை 11.30 மணிக்கு சென்னை தலைமைச் செயலகத்தில் செய்தியாளர் சந்திப்பின்போது பழனிவேல் தியாகராஜன் வெள்ளை அறிக்கையை வெளியிட உள்ளார்.

நிதிநிலை வெள்ளை அறிக்கை வெளியிடுவது இது முதன்முறையல்ல; 2001ஆம் ஆண்டு அதிமுக ஆட்சிக்காலத்திலும் வெளியிடப்பட்டது நினைவுகூரத்தக்கது.

1996-2001 காலகட்டத்தில் திமுக ஆட்சியின் முடிவில் தமிழ்நாட்டில் நிதிநிலைமை எப்படி இருந்தது என 2001ஆம் ஆண்டு அப்போதைய நிதியமைச்சர் சி. பொன்னையன் சட்டப்பேரவையில் தாக்கல்செய்தார்.

அந்த வெள்ளை அறிக்கையில், திமுக ஆட்சியில் மாநில வளர்ச்சி சரிந்துள்ளதாகத் தெரிவிக்கப்பட்டிருந்தது கவனிக்கத்தக்க அம்சமாகும்.

இதையும் படிங்க: வாக்குறுதிகளை நிறைவேற்றாத ஸ்டாலின்: கண்டித்த எடப்பாடி மீது வழக்குப்பதிவு