சென்னை: வாமனன், என்னென்றும் புன்னகை, மனிதன் உள்ளிட்ட படங்களை இயக்கிய அஹமத், ஜெயம்ரவி நடிப்பில் இறைவன் திரைப்படத்தை இயக்கி உள்ளார். நயன்தாரா நாயகியாக நடிக்கும் இப்படத்திற்கு யுவன்சங்கர் ராஜா இசையமைத்து உள்ளார். க்ரைம் த்ரில்லர் களமாக அமைந்த இந்த திரைப்படம் இன்று (செப். 28) தமிழ் மற்றும் தெலுங்கு மொழிகளில் வெளியாகி உள்ளது.
பண்ணையாரும் பத்மினியும், சேதுபதி, சிந்துபாத் போன்ற திரைப்படங்களை இயக்கிய S.U.அருண் குமார் இயக்கத்தில், சித்தார்த் நடிப்பில் உருவாகி உள்ள சித்தா திரைப்படமும் இன்று வெளியாகி உள்ளது. பின்னணி இசையை விஷால் சந்திரசேகரும், படத்திற்கான பாடல்களை திபு நிணன் தாமஸும் உருவாக்கி உள்ளனர். சித்தப்பா மகள் உறவை பற்றி பேசும் படமாக உருவாகி உள்ள இந்த படத்தை நடிகர் சித்தார்த்தே தயாரித்து நடித்துள்ளார்.