சென்னை திருவான்மியூர் சிவகாமிபுரம் நான்காவது தெருவைச் சேர்ந்த இந்திரா(50), தனது வீட்டில் வைத்திருந்த மூன்றரைப் பவுன் தங்க செயின் காணாமால் போனதாக காவல் நிலையத்தில் புகார் அளித்திருந்தார். இதுதொடர்பாக, விசாரிக்க சம்பவ இடத்திற்கு உடனடியாக சென்ற குற்றப்பிரிவு காவல் ஆய்வாளர் அன்புக்கரசன், கைரேகைகளைப் பிரதி எடுத்து விசாரணை மேற்கொண்டுள்ளார்.
இந்திராவின் வீட்டருகே உள்ள யாரோதான் செயினைத் திருடியிருக்கலாம் என்று எண்ணிய காவல் ஆய்வாளர், "கரோனா காலத்தில் பணத்துக்காக யாரோ திருடியிருக்கிறீர்கள், எடுத்த நகையை உடனடியாக திருப்பி வைத்திவிடுங்கள். கைரேகை அடிப்படையில் குற்றவாளியை கைது செய்துவிடுவோம்" என அப்பகுதி மக்களிடையே எச்சரிக்கை விடுத்துள்ளார்.