மின்சாரம் தாக்கி 13 வயது சிறுமி உயிரிழப்பு!

சென்னை குரோம்பேட்டை அருகே மின்சாரம் தாக்கி 13 வயது சிறுமி உயிரிழந்தது குறித்து காவல் துறையினர் விசாரணை நடத்தி வருகின்றனர்.

சென்னை: குரோம்பேட்டை அருகே அஸ்தினாபுரம் புறநானூறு தெருவைச் சேர்ந்த சசிகலா என்பவரின் மகள் சஞ்சனா (13). புறநகர் பகுதிகளில் நேற்றிரவு (ஜுன் 07) மிதமான மழை பெய்தது. அப்போது, சஞ்சனா தன்னுடைய வீட்டின் மாடியில் விளையாடிக் கொண்டிருந்தார்.

மாடியின் மேல் பொருத்தப்பட்டுள்ள மின்விளக்கு இரும்பு குழாயில் மின்சாரம் பாய்ந்துள்ளது. இதனை அறியாத சஞ்சனா எதிர்பாராத விதமாக இரும்புக் கம்பியைப் பிடித்தபோது மின்சாரம் தாக்கியதில் தூக்கி வீசப்பட்டார்.

சிறுமியை மீட்ட பெற்றோர் குரோம்பேட்டை அரசு மருத்துமனைக்கு கொண்டு சென்றனர். அங்கு அவரை பரிசோதித்த மருத்துவர்கள் சிறுமி ஏற்கனவே இறந்து விட்டதாக தெரிவித்தனர்.

இதுகுறித்து சிட்லப்பாக்கம் காவல் துறையினர் வழக்குப்பதிவு செய்து விசாரணை நடத்தி வருகின்றனர்.

இதையும் படிங்க: தெருவிளக்கு கம்பத்தில் மின்கசிவு: மின்சாரம் பாய்ந்து 8 வயது சிறுமி பலி!