சென்னை: தயாரிப்பாளர் தில் ராஜூவின் ஸ்ரீ வெங்கடேஸ்வரா கிரியேசன்ஸ் தயாரிப்பில், நடிகர் விஜய் நடித்து வரும் திரைப்படம், தளபதி 66. ராஷ்மிகா மந்தனா கதாநாயகியாக நடித்து வரும் இப்படத்திற்கு தமன் இசையமைக்கிறார். இயக்குனர் வம்ஷி படிபல்லி இயக்கி வரும் இப்படத்தின் பூஜை கடந்த மாதம் சென்னையில் வைத்து நடைபெற்றது.
பின்னர் இப்படத்தின் முதற்கட்ட படப்பிடிப்புகள் சென்னையில் நடைபெற்று முடிந்தன. இதனைத் தொடர்ந்து, படத்தின் இரண்டாம் கட்டப் படப்பிடிப்பு ஹைதராபாத்தில் நடைபெற்றது. இதற்காக நடிகர் விஜய், கடந்த மாதம் 2 ஆம் தேதி சென்னை விமான நிலையத்திலிருந்து ஹைதராபாத் புறப்பட்டுச் சென்றார். இந்நிலையில் இப்படப்பிடிப்புகள் முடிவடைந்துள்ளதால், மீண்டும் ஹைதராபாத்திலிருந்து விஜய் விமானம் மூலம் சென்னைக்கு வந்துள்ளார்.
’தளபதி 66' ஹைதராபாத் விசிட் நிறைவு - விஜய் சென்னை வருகை