நடிகர் சங்கத் தேர்தல் விவகாரம் தொடர்பாக, சுவாமி சங்கரதாஸ் அணியின் தலைவரும் இயக்குநருமான நடிகர் பாக்யராஜ் தனது அணியினருடன் விருகம்பாக்கத்தில் உள்ள தேமுதிக தலைவர் விஜயகாந்தை, அவரது இல்லத்தில் நேரில் சந்தித்தார்.
பின்னர் செய்தியாளர்களை சந்தித்து பாக்யராஜ் கூறுகையில்,
"விஜயகாந்தை முன்னாள் நடிகர் சங்கத் தலைவர் என்ற முறையில்தான் அவரை நாங்கள் நேரில் சந்தித்து ஆதரவு பெற்றோம். நடைபெறவுள்ள நடிகர் சங்கத் தேர்தலில் எங்கள் அணி நிச்சயம் வெற்றிபெறும். மேலும் நடிகர் கமல், ரஜினி, விஜய், அஜித் உள்ளிட்டோரை நேரில் சந்தித்து ஆதரவு கோரவுள்ளோம்.
தேர்தலில் வெற்றிபெற்றவுடன் நாடகக் கலைஞர்களின் கஷ்டத்தை போக்கும் வகையில் பல்வேறு திட்டங்களை கொண்டு வர உள்ளோம். நடிகர் சங்க கட்டடத்தை தலைவர் விஷால் அவருடன் இருப்பவர்களும் கூட கட்டி முடிக்க முன்வரவில்லை. எனவே இதற்கு முக்கியத்துவம் அளித்து தேர்தலில் நிற்கிறோம். இந்தத் தேர்தலில் அரசியல் கட்சியின் தலையீடு என்பது எதுவுமில்லை" என்று கூறினார்.
அப்போது நடிகர் பிரசாந்த், இயக்குநர் ரமேஷ் கண்ணா, சின்னி ஜெயந்த் உள்ளிட்ட நடிகர்கள் உடன் இருந்தனர்.
