உச்ச நீதிமன்ற தலைமை நீதிபதி ரஞ்சன் கோகாய் தலைமையிலான ஐந்து நீதிபதிகள் கொண்ட கொலிஜியம் குழு, சென்னை உயர்நீதிமன்ற தலைமை நீதிபதி தஹில் ரமாணியை, மேகாலயா மாநில உயர் நீதிமன்ற தலைமை நீதிபதியாக மாற்ற மத்திய அரசுக்கு பரிந்துரை செய்திருந்தது. அதேபோன்று தற்போது மேகாலயா உயர்நீதிமன்ற தலைமை நீதிபதியாக உள்ள அஜய்குமார் மிட்டலை சென்னை உயர் நீதிமன்ற தலைமை நீதிபதியாக இடமாறுதல் செய்யவும் மத்திய அரசுக்கு கொலிஜியம் குழு பரிந்துரை செய்தது.
இந்த முடிவை எதிர்த்து சென்னை உயர்நீதிமன்ற தலைமை நீதிபதி தஹில் ரமாணி குடியரசுத் தலைவர் மற்றும் உச்ச நீதிமன்ற கொலிஜியம் குழுவுக்கு தனது ராஜினாமா கடிதத்தை அனுப்பினார்.