மாநில அளவிலான சிலம்ப போட்டி; அசத்திய சென்னை மாணவர்கள்!

சென்னை: மாநில அளவிலான சிலம்பப் போட்டியில் 4 தங்கம், 2 வெள்ளி 3 வெண்கலம் பதக்கம் வென்று சென்னை பள்ளி மாணவ மாணவிகள் சாதனை படைத்துள்ளனர்.

சென்னை நேரு விளையாட்டு அரங்கில் மாநில அளவிலான சிலம்பம் போட்டி சமீபத்தில் நடைபெற்றது. இந்த போட்டியில் 18 மாவட்டங்களை சேர்ந்த 1000க்கும் மேற்பட்ட வீரர் வீராங்கனைகள் பங்கேற்று தங்களது திறமையை வெளிப்படுத்தினர்.

இதில் 3 வயது முதல் 30 வயது வரையிலான பிரிவுகளில் போட்டிகள் நடந்தன. இதில் சென்னை சிலம்பம் பள்ளி சார்பில் 14 மாணவ மாணவிகள் பங்கேற்றனர்.

இவர்கள் தனித்திறன் மற்றும் நேரடி சண்டை என மூன்று சுற்றுகளில் வெற்றி பெற்று 4 தங்க பதக்கங்களையும், 2 வெள்ளி பதக்கங்களையும், 3 வெண்கலப் பதக்கங்களையும் கைப்பற்றினர்.

இதன்மூலம் டிசம்பர் மாதம் நடைபெற உள்ள தேசிய அளவிலான போட்டிக்கு தகுதி பெற்றுள்ளனர்.