சென்னை:செங்கல்பட்டு மாவட்டம் கேளம்பாக்கத்திலுள்ள சுசீல் ஹரி சர்வதேச பள்ளியில் படித்த மாணவிகளுக்கு பாலியல் தொல்லை அளித்த வழக்கில் பள்ளி நிறுவனர் சிவசங்கர் பாபா கைது செய்யபட்டார். மேலும், மாணவிகளை மூளை சலவை செய்ததாக அவரது பக்தை சுஷ்மிதாவும் கைது செய்யப்பட்டார்.
முன்ஜாமீன் மனு தாக்கல்
இந்த வழக்கில் தேடப்பட்டு வரும், பள்ளி நிர்வாகி ஜானகி சினிவாசன், அவரது மருமகள் பாரதி, பள்ளி ஆசிரியை தீபா வெங்கடராமன் ஆகியோர் முன்ஜாமீன் கோரி தனித்தனியாக சென்னை உயர் நீதிமன்றத்தில் மனு தாக்கல் செய்துள்ளனர்.
அதில், 2010-2012ஆம் ஆண்டுகளில் படித்த முன்னாள் மாணவிகள் அளித்த புகாரின் பேரில் தங்கள் மீது சிபிசிஐடி காவல் துறையினர் போக்சோ, இந்திய தண்டனை சட்டம் ஆகியவற்றில் வழக்குப் பதிவு செய்துள்ளனர். மேலும், சிவசங்கர் பாபா மீதான வழக்கில் தேவையில்லாமல் தங்களையும் சேர்த்துள்ளதாக தெரிவித்தனர்.