பத்தாம் வகுப்பு பொதுத் தேர்வுக்கான அட்டவணை வெளியிடப்பட்டு தேர்வு நடத்துவதற்கான பணிகளில் தேர்வுத்துறை இறங்கியுள்ளது. முதல் கட்டமாக கரோனா வைரஸ் பாதிப்புக்குள்ளாகி தனிமைப்படுத்தப்பட்ட பகுதிகளுக்கு அருகில் உள்ள தேர்வு மையங்களின் விவரங்களை அனுப்ப வேண்டும் என மாவட்ட முதன்மை கல்வி அலுவலர்களுக்கு உத்தரவிடப்பட்டுள்ளது.
இதையடுத்து தமிழ்நாடு முழுவதும் அமைக்கப்பட்டுள்ள மூவாயிரத்திற்கும் அதிகமான மையங்களில் பத்தாம் வகுப்பு மாணவர்கள் தேர்வு எழுதுகின்றனர். இந்த தேர்வு மையங்கள் அனைத்தும் தயாராக உள்ளனவா? என்பது குறித்தும், கரோனா வைரஸ் பாதிப்பு ஏற்பட்டு கட்டுப்படுத்தப்பட்ட பகுதியில் மையம் வருகிறதா? என்பது குறித்தும், கட்டுப்படுத்தப்பட்ட பகுதியில் மையம் இருந்தால் அருகிலுள்ள எந்த பள்ளியை தேர்வு மையமாக அறிவிக்கலாம் என அறிக்கை அளிக்குமாறும் உத்தரவிடப்பட்டுள்ளது.