இதுதொடர்பாக தனியார் பள்ளி சங்கங்களின் கூட்டமைப்பின் தலைவர் ஆறுமுகம் தமிழ்நாடு முதலமைச்சருக்கு அனுப்பி உள்ள கடிதத்தில், எங்களின் சங்கத்தில் சுமார் 6000 தனியார் சுயநிதி நர்சரி, பிரைமரி பள்ளிகள் உள்ளன. இந்த பள்ளிகள் அனைத்தும் கடந்த மார்ச் மாதத்தில் இருந்து ஒன்பது மாதங்களாக மூடப்பட்டுள்ளன. அப்போது முதல் பிரைமரி பள்ளி மாணவர்கள் விடுமுறையிலேயே உள்ளனர்.
ஆன்லைன் வகுப்பு கூட நடைபெறவில்லை. ஆன்லைன் வகுப்பு நடத்தினாலும் 10 சதவீதம் மாணவர்கள் கூட அந்த வகுப்புகளை கவனிப்பதில்லை. ஆன்ட்ராய்டு செல்போன் 20 சதவீத பெற்றோரிடம் கூட இல்லை. பாடங்களை வீடியோவாக வாட்ஸ்அப்பில் அனுப்பினாலும் 15 சதவீதம் மாணவர்கள் கூட பார்ப்பதில்லை.